COVID-19

ДЭМБ-ын мэргэжилтнүүд Уханийн вирус судлалын лабораторид ажиллалаа

“Ковид-19” халдварын анхны голомт гэгдэж буй БНХАУ-ын Хубэй мужийн Ухань хотод ДЭМБ-ын мэргэжилтнүүд ажиллаж байгаа билээ. Тэд Хятадад газардсан даруйдаа 14 хоногийн тусгаарлалтад орсон бөгөөд тусгаарлалтаас гарсныхаа дараа буюу лхагва гарагт тус хотын вирус судлалын лабораторид ажиллалаа.

Цар тахал дэгдсэнээс хойш коронавирусийг Уханийн лабораториос алдагдсан гэсэн таамаглал дэлхий даяар тархаж, ДЭМБ-ыг ч буруутгасан ойлголт газар аваад буй. Энэ болон бусад асуултад хариу эрэхээр, коронавирусийн гарал үүсэл, тархсан зам болон бусад зүйлийг судлах, тодруулахаар ДЭМБ-ын баг Уханьд ажиллаж байгаа юм.

Багийн гишүүд Уханийн лабораторид ийнхүү ажилласан нь, мөн цаашид мэргэжилтнүүд, эмч, судлаачидтай уулзаж, нөхцөл байдлыг тодруулахаар ажиллаж буй нь цар тахлыг тойрсон олон таамаглал, ташаа ойлголтод хариулт өгнө гэж мэргэжилтнүүд найдаж буйгаа илэрхийлжээ.

Вирусийн тархалтын талаар өмнө нь Бээжин өөр, өөр газарт голомтлон тархсан байж магадгүй гэж мэдэгдэж байсан юм.

Эх сурвалж: Nikkei

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet