ДЭЛХИЙН МЭДЭЭ

Швед: Байгаль орчинд хөнөөлтэй бизнест зээл олгохоос татгалзана

Швед улсын банкууд харилцагч нартаа зээл олгохдоо тэдний бизнес байгаль орчин ээлтэй, эсэхийг харгалзан үзэж байна. “Bloomberg”-ийн мэдээлж буйгаар, тус улсын “Swedbank” ч энэ үзүүлэлтээр зээлийг хязгаарлах жишгийг дагажээ. Стокгольм төвтэй энэ  банк газрын тос, байгалийн хийн компаниудад зээл олгохоо зогсоосон бөгөөд Арктикт түүхий эд олборлож буй компаниудад ч ийм үйлчилгээ үзүүлэхгүй болж байна.

“Байгаль орчинд ээлтэй бизнесүүдэд зээл олгох нь урьдын адил нээлттэй” гэж банкны ерөнхий захирал Йенс Хенрикссон онцолжээ. Уур амьсгалын өөрчлөлтийн талаарх Парисын гэрээг байгуулснаас хойш Скандинавын 10 том банк нүүрс, байгалийн хий, газрын  тосны компаниудад нийтдээ  70 тэрбум ам.долларын зээл олгосныг байгаль орчны төлөө тэмцэгчид эрс шүүмжилж байв.

Ташрамд, дэлхийн хамгийн том нөөцийн сан гэгддэг Норвегийн тэтгэврийн сан ч түүхий эдийн хайгуул, олборлолт хийдэг компаниудын активаас татгалзсан билээ.

Эх сурвалж: Bloomberg

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet