COVID-19

Коронавирусийн эсрэг “Novavax” гэх шинэ вакцин 89 хувийн үр дүнтэй гэв

Коронавирусийн халдвараас урьдчилан сэргийлэх “Novavax” хэмээх шинэ вакциныг 89.3 хувийн үр дүнтэй гэж мэргэжилтнүүд үзэж байна. Их Британид явуулсан эмнэлзүйн III шатны туршилтад 18-84 насны 15 мянган хүн оролцсоны үндсэн дээр ийм дүгнэлт гаргажээ.

Гэхдээ “Novavax” вакцин Өмнөд Африкт илэрсэн коронавирусийн шинэ төрлийн үүсгэх халдвараас сэргийлэх тал дээр үр дүн багатай гэнэ. Өмнөд Африкт 4400 хүн оролцсон туршилтаас харвал вакцины үр дүн  60 хувьтай байна. Үүний зэрэгцээ “Pfizer” болон “Moderna” компани өөрсдийн гаргасан вакцинаа коронавирусийн мутацид орсон хувилбаруудаас ч үр дүнтэй хамгаална гэж мэдэгдээд байгаа юм.

Энэхүү вакциныг Английн зүүн умард хэсэгт үйлдвэрлэх бөгөөд Их Британи эхний ээлжинд 60 сая тунг захиалж, энэ оны хоёрдугаар хагаст иргэдээ дархлаажуулахаар төлөвлөж буй.

Ташрамд, “AstraZeneca” компанийн гарган авсан коронавирусийн эсрэг вакциныг 65-аас дээш насныханд хийхгүй байхыг Германы Роберт Кохийн вирус судлалын хүрээлэнгээс мэдэгджээ. Өндөр настай хүмүүст энэ вакциныг хийснээр коронавирусийн халдвараас урьдчилан сэргийлэх үр дүн бага байж магадгүй гэж мэргэжилтнүүд үзэж байгаа юм.

Эх сурвалж: ВВС

1 сэтгэгдэл

  1. zzzz

    2021-01-30

    buun vacvin sain muu ni her yum boldoo

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet