COVID-19

Нидерландын иргэд хөл хориог эсэргүүцэн жагслаа

Цар тахлын улмаас Нидерландад үдшийн цагаар хөл хорин, иргэдийг гадагш гарахыг хориглосон шийдвэрийг хүмүүс эрс эсэргүүцэн жагссан байна. Дэлхийн II дайнаас хойш түүхэндээ анх удаа 21:00-04:30 цагийн хооронд хөл хорио тогтоож, үүнийг зөрчсөн хүнийг 95 еврогоор торгох шийдвэр гаргасныг иргэд ийнхүү эсэргүүцэж байгаа юм.

Амстердам, Эйндховен зэрэг хотод болсон эсэргүүцлийн жагсаалын үеэр хууль сахиулагчид нулимс асгаруулагч, усан буу ашиглахаас өөр аргагүйд хүрсэн аж. Жагсагчид супермаркет, дэлгүүр дээрэмдэж, нийтийн эзэмшлийн газарт эд хогшил эвдсэн хэрэг ч гарч, 100 гаруй хүнийг баривчилжээ. Мөн  өнгөрсөн бямба гарагт Урк тосгонд “Ковид-19”-ийн шинжилгээ авах төвийг шатаасан тохиолдол гарлаа.

Тус улсын Үндэсний аюулгүй байдлын зөвлөлийн тэргүүн Хуберт Брюльс иргэдийн нөхцөл байдлыг ойлгож байгаа олон нийтийн хэв журам зөрчихгүй байхыг уриалж, шийдвэрийг хүндлэхийг иргэдээсээ хүссэн байна. Нидерландад аравдугаар сараас баар, зоогийн газруудыг хааж, арванхоёрдугаар сараас барааны дэлгүүр, сургуулиудын үйл ажиллагааг зогсоосон. Мөн Их Британи, Өмнөд Африк, Өмнөд Америктай нислэгээ түр хугацаагаар зогсоосон юм. Одоогоор тэнд 944 мянган хүн коронавирусийн халдвар авч, 14 мянган хүн нас бараад байна.

Эх сурвалж: ВВС

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet