newswire

Итали “Pfizer” компанийн эсрэг гомдол гаргана

Итали Улс коронавирусийн вакцин гарган авч, улс орнуудад нийлүүлж буй АНУ-ын “Pfizer” компанийн эсрэг гомдол гаргахаар болжээ. Тус улсын Бүс муж хариуцсан сайд Франческо Бочча энэ талаар мэдэгдэхдээ Европын холбоотой байгуулсан гэрээний дагуу вакцины нийлүүлэлт саатаж байгаа тул ийм шийдвэр гаргаснаа онцолсон байна.

Харин компанийн зүгээс үйлдвэрлэлийнхээ үйл явцад шинэчлэл хийж буй тул Европ руу нийлүүлэх вакциныхаа хэмжээг багасгана гэж мэдэгдэж байжээ. Одоогоор тус компани жилд 1.3 тэрбум тун вакцин үйлдвэрлэх хүчин чадалтай бөгөөд үйлдвэрлэлийн хүчин чадлаа нэмэгдүүлж жилд хоёр тэрбум тунг зах зээлд нийлүүлэхээр төлөвлөж буй.

Одоогоор мөн Дани, Латви, Литва, Финлянд, Швед, Эстони зэрэг улс вакцины нийлүүлэлтийн асуудлаар Евро комисст захидал хүргүүлээд байна.

Эх сурвалж: nytimes

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet