Live
newswire

Я.Содбатаар: Бид дэлхийд цар тахалтай хамгийн амжилттай тэмцэж байгаа таван орны нэгээр нэрлэгдэж байгаа

УОК-ын удирдлага огцорч байгаагаа мэдэгдээд байна. Энэ талаар Шадар сайд Я.Содбаатар, Эрүүл мэндийн сайд Т.Мөнхсайхан мэдээлэл хийсэн юм.

Шадар сайд Я.Содбаатар хэлэхдээ “Үүссэн нөхцөл байдалтай холбогдуулж УОК-ын удирдлага огцорч байна. Өчигдөр гүнээ харамсаж, чин сэтгэлээсээ мэдэгдэл хийсэн юм шүү.

Шууд миний хариуцсан асуудал биш гэлээ ч, хүнлэг биш, хариуцлагагүй албат Монголын төрд байгаад харамсаж байна.

УОК-ын удирдлага хариуцсан салбар, даалгасан ажлыг чин сэтгэлээсээ гүйцэтгэлээ. Бид халдварыг дотооддоо алдалгүй 10 сар болсон. Үүний таван сар нь шинэ Засгийн газрын ажил байлаа. Бид дэлхийд цар тахалтай хамгийн амжилттай тэмцэж байгаа таван орны нэгээр нэрлэгдэж байгаа.

Дан коронавирусийн халдвараар нэг ч хүн үхээгүй, цар тахал нийтийн өвчлөл болоогүй гэдгийг би хэлж байна. Удахгүй ОУ-д хүлээн зөвшөөрөгдсөн вакцинжуулалтыг хийнэ.

УОК-ын дарга, Шадар сайдынхаа ажлыг хүлээлгэн өгөх өргөдлөө Ерөнхий сайдад өгөх болно. Ард иргэдээсээ дахин уучлал хүсэж байна” гэсэн юм.

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet