Live
newswire

Г.Занданшатар: Хүнлэг, энэрэнгүй үйлчилгээний шинэ стандарт нэвтрүүлэх шаардлагатай болжээ

УИХ-ын дарга Г.Зандашатар хүний эрхийг ноцтой зөрчсөн асуудал дээр өөхийн байо суурийг чуулганы хуралдааны үеэр хэллээ.

Тэрбээр “Ээжээс төрөөгүй хүн байхгүй. Тэр дундаа монголчууд бид ээжийгээ их дэлхийтэйгээ зүйрлэж, хүндэлж ирсэн уламжлалтай ард түмэн. Өнөөдөр хүнд хэцүү цагт ч бид монгол ёс заншил, үнэт зүйл, хүний эрхийг зөрчих ёсгүй.

Нэгдүгээр төрхөд төрсөн Covid-19 халдвартай ээжид гаргасан хандлага, бүдүүлэг арчаагүй алдааг бид тэвчиж дуугүй өнгөрөх ёсгүй. Халдвар дотооддоо алдсан байгаа энэ цаг үед халдвар хэнд ч халдаж болно. Энэ үйл явдал нийгмийг бүхэлд нь цочроолоо. Сэтгэл, ухаан дутсан, ажилдаа хүйтэн цэвдэг хандаж байгаа дүр зурагтай эвлэрэх ёсгүй.

Энэ асуудлаар Улсын онцгой комисст шаардлага тавьж, ярьсан. Шадар сайд Я.Содбаатар холбогдох албан тушаалтнуудад хариуцлага тооцох үүрэг чиглэл өгч ажиллаж байгаагаа мэдэгдсэн. Энэ хүнд цаг үед ч төрийн бүх шатанд хүнээ дээдэлсэн, хүнлэг үйлчилгээний шинэ стандартыг хэвшүүлэх болсон нь энэ жишээ харуулж байна.

Ээж, хүүхэд, гэр бүлээс нь УИХ-ын нэрийн өмнөөс уучлалт хүсье. Сэтгэл, ухаан дутсан ийм үйлдлийг бид тэвчих ёсгүй. Хүнлэг, энэрэнгүй үйлчилгээний шинэ стандарт нэвтрүүлэх шаардлагатай болжээ” гэсэн юм.

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet