ДЭЛХИЙН МЭДЭЭ

ОХУ-ын сөрөг хүчний тэргүүн Алексей Навальныйг баривчлав

ОХУ-ын сөрөг хүчний тэргүүн, блогч Алексей Навальныйг ХБНГУ-аас эх орондоо буцаж ирэхэд нь Шереметьево нисэх онгоцны буудлаас баривчилсан байна.

Өнгөрсөн сарын сүүлчээр түүнийг эрэн сурвалжилж байгааг зарласан бөгөөд баривчлан хоёрдугаар сарын 15 хүртэл хорих шийдвэрийг Химкигийн шүүх гаргалаа.

Алексей Навальныйг луйвар хийсэн, гэмт хэргийн замаар олсон мөнгийг угаасан хэргээр 2014 онд шүүж, гурван жил, зургаан сарын хорих ял оноосон юм.

Төдөлгүй шүүх энэ шийдвэрээ таван жилийн тэнсэн харгалзах ял болгон зөөлрүүлж, дараа нь тэнсэнгийн хугацааг сунгасан юм. Шүүхийн шийдвэрийн дагуу А.Навальный сард хоёр удаа хуулийн байгууллагад бүртгүүлэх ёстой байсан ч 2020 онд энэ нөхцөлийг хэд хэдэн удаа зөрчсөн тул эрэн сурвалжилж, ийнхүү баривчилжээ.

Өнгөрсөн оны наймдугаар сард А.Навальный Томскоос Москва руу нисэж явахдаа бие нь муудаж, “Новичок”-т хордсон нь төдөлгүй тодорхой болсон билээ. Түүнийг Германы “Шарите” эмнэлэг рүү шилжүүлэн эмчилсэн юм.

Эх сурвалж: “Новости”

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet