COVID-19

ДЭМБ: Коронавирусээр долоо хоногт 100 мянган хүн нас барж магадгүй

Дэлхийн даяар тархаж, олон хүний амь насыг авч одоод буй цар тахал цаашид эрчимжиж магадгүйг ДЭМБ анхаарууллаа. Тус байгууллагын Онцгой байдлын мэргэжилтэн Майк Райаны таамаглаж буйгаар, “Ковид-19”-ийн улмаас нас барж буй хүний тоо цаашид долоо хоногт 100 мянгад хүрч магадгүй гэнэ.

Цар тахлын нөхцөл байдал дэлхийн улс орнуудад харилцан адилгүй байгаа бөгөөд одоогоор Умард болон Өмнөд Америкт хамгийн олон хүн нас бараад байна. Харин Европт энэ үзүүлэлт тогтворжих хандлагатай байгаа юм. Гэвч коронавирусийн мутацид орсон шинэ төрлүүд илэрсээр байгаа төдийгүй халдварлах чадвар өндөр нь мэргэжилтнүүдийг түгшээж буй.

Түүнчлэн вакцины хуваарилалт тэгш бус,  улс орны эдийн засаг, засаглал, эрүүл мэндийн тогтолцоо, дэд бүтэц зэрэг олон шалтгаанаар буурай орнуудад коронавирусийн халдварын улмаас нас барж буй хүний тоо нэмэгдэх хандлагатай байна.

ДЭМБ-ын тэргүүн Тедрос Аданом Гебрейесус “Одоогоор эдийн засаг нь хөгжсөн, хөгжингүй 49 орон  39 сая тун вакциныг худалдан авч иргэдээ дархлаажуулжээ. Харин хөгжиж буй, буурай орнуудад энэ үзүүлэлт маш бага, ихэнх улс орон вакцин авч чадаагүй байна” гэж онцолсон.

Эх сурвалж: Ройтерс

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet