ДЭЛХИЙН МЭДЭЭ

Д.Трампт хариуцлага тооцох санал оруулна

АНУ-ын Ерөнхийлөгч Дональд Трампыг үймээн самуунд турхирсан хэмээн импичмент буюу шүүхээс хариуцлага тооцох асуудлыг Конгрессын Төлөөлөгчдийн танхим дахь Ардчилсан намын гишүүдийн бүлэг хэлэлцүүлэхээр зэхэж байна. Ерөнхийлөгчийг эргүүлэн татаж, хуулийн дагуу хариуцлага тооцох нь зүйтэй гэж тэд үзэж байгааг спикер Нэнси Пелоси онцолж байгаа юм.

Одоогоор тус танхимын 150 гишүүн импичмент үзүүлэх саналд гарын үсэг зураад байна. Төлөөлөгчдийн танхимын олонх нь энэ саналыг дэмжсэн тохиолдолд Конгрессын дээд танхим буюу Сенат хэлэлцэж, гишүүдийн гуравны хоёр нь дэмжвэл Холбооны шүүх Ерөнхийлөгчид хариуцлага тооцох процесс эхэлнэ.

Ерөнхийлөгч Дональд Трамп хийсэн мэдэгдлээрээ дэмжигчдээ Капитолын ордон руу дайрахад турхирсан бөгөөд АНУ-ын эрх барих байгууллагын аюулгүй байдалд халдан, ардчилсан тогтолцоонд дайсагнаж, Төрийн тэргүүний хувьд өөрт нь итгэх итгэлийг үгүй хийсэн гэж Ардчилсан намынхан үзэж буй.

Хэрэв Төлөөлөгчдийн танхим импичмент үзүүлэхийг дэмжвэл Төрийн тэргүүний албыг хаших хугацаанд нь хоёр удаа ийм байдлаар хариуцлага тооцох санал гаргасан анхны Ерөнхийлөгч нь Дональд Трамп болох юм. Нөгөө талаас, ийнхүү түүнд хариуцлага тооцвол Холбооны хэмжээнд өндөр албан тушаах хаших эрхгүй, тодруулбал 2024 онд Ерөнхийлөгчийн сонгуульд нэр дэвшихээргүй болно.

Эх сурважлж: CNN

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet