ДЭЛХИЙН МЭДЭЭ

Дайны үеэр хохирсон солонгос эмэгтэйчүүдэд нөхөн төлбөр төлөхийг шаардав

Дэлхийн II дайны үеэр япон цэргүүдийн хүчирхийлэлд өртөж, эрүүл мэнд, сэтгэл санаагаараа хохирсон 12 эмэгтэйд  тус бүр 100 сая вон буюу 91 мянган ам.долларын нөхөн төлбөрийг Япон Улсаас олгуулах шийдвэрийг БНСУ-ын шүүх гаргажээ. Сөүл хотын шүүхийн гаргасан энэ шийдвэрийг Токио хүлээж авахгүйгээ мэдэгдсэн бөгөөд Ерөнхий сайд Ёшихидэ Суга дайны үед үйлдсэн гэмт хэргийнхээ төлөө 1965 онд Японы тал 500 сая ам.долларын нөхөн төлбөр олгосныг санууллаа.

1932-1945 онд япончууд эзлэн авсан газартаа цэргүүдэд зориулсан эмсийн хүрээлэн байгуулж, нутгийн бүсгүйчүүдийг албадан ажиллуулж байжээ. Энэ хугацаанд Солонгос, Хятад, Филиппин, Индонезийн 200-400 мянган эмэгтэй бэлгийн мөлжлөгт өртсөн гэх тоо бий.

Олон жилийн турш Япон, БНСУ-ын харилцаанд сэв суулгасаар ирсэн хохирогч эмэгтэй нарт нөхөн төлбөр олгох, хүлцэл өчих гэрээг 2015 онд байгуулсан бөгөөд гэрээний дагуу Токио эмэгтэйчүүдээс уучлалт хүсэж, тэдний хэрэгцээнд зориулан нэг тэрбум иенийн хөрөнгөтэй сан байгуулахаар тохиролцсон. Гэсэн ч эмэгтэйчүүдийн эрхийг хамгаалагчид, хохирогчдын гэр бүл энэ шийдвэрийг эсэргүүцсэн билээ.

Эх сурвалж: ВВС

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet