ДЭЛХИЙН МЭДЭЭ

Беларусийн Ерөнхийлөгчийн сонгуулийн кампани ажлын үеэр 33 мянган хүн баривчилжээ

Беларусийн Ерөнхийлөгчийн сонгуулийн кампани эхэлснээс он дуусах хүртэл хугацаанд нийт 33 мянган хүнийг баривчилж, хорьж цагдсан гэж тус улсын хүний эрхийн төлөөх “Весна” төвөөс мэдээлжээ. Төрийн тэргүүнд нэр дэвшигчдийг зарлахаас ч өмнө баривчилгаа эхэлсэн бөгөөд энэ нь сонгуулийн дараах жагсаал, цуглааны үеэр ч үргэлжилсээр байгааг “Хүний эрхийн гамшиг” нүүрлэж байна гэж тэд онцолж буй. Түүнээс гадна нэг жилийн хугацаанд 900 орчим эрүүгийн хэрэг үүсгэж, сөрөг хүчнийхэн, тэднийг дэмжигчид, влогчид, сэтгүүлчдийг шүүсэн тухай тус улсын Ерөнхий прокурорын гаргасан тоо баримт гэрчилж байгаа аж.

Беларусийн эрх баригчид сөрөг хүчнийхэн, сэтгүүлч, нийгмийн идэвхтнүүдийн хавчин хяхдаг, эрхийг нь зөрчдөг гэж олон жилийн турш хүний эрхийн төлөө тэмцэгчид шүүмжилж буй ч энэ жилийн тоо баримт, мэдээллүүд тус улсын түүхэнд байгаагүй үзэгдэл  юм.

Мөн Ерөнхийлөгчийн сонгуулийн дүн гарснаас хойш өнөөг хүртэл үргэлжилсээр байгаа жагсаал, эсэргүүцлийн хөдөлгөөний үеэр олон хүн гэмтэж бэртсэн, цөөнгүй иргэн амиа алдсан төдийгүй шоронд хоригдсон хүмүүсийг эрүүдэн шүүсэн гэх 1000 гаруй баримт, нотолгоо байгааг мөн онцолж буй.

Эх сурвалж: lenta

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet