ЭДИЙН ЗАСАГ

Санхүүгийн тогтвортой байдлын зөвлөл хуралдаж, зээлжих зэрэглэлийн талаар хэлэлцлээ

Д.ЗАНДАНБАТ/NEWSWIRE.MN

2020-09-09

Санхүүгийн тогтвортой байдлын зөвлөл (СТБЗ)-ийн III улирлын ээлжит хуралдаан Санхүүгийн зохицуулах хороонд өчигдөр болж дараах асуудлуудыг хэлэлцэв.

Үүнд:

• Төрөөс мөнгөний бодлогын талаар 2021 онд баримтлах үндсэн чиглэлийн төсөл, тооцоо судалгаа;
• Үнэт цаасны төвлөрсөн хадгаламжийн болон Төв банкны арилжааны нэгдсэн системийг нэвтрүүлэх ажлын хэрэгжилт;
• Зээлжих зэрэглэлийн талаар;
• Засгийн газрын дотоод үнэт цаас гаргах талаар;
• “Сэндбокс зохицуулалтын орчин журам”-ын төсөл;
• “Санхүүгийн хүртээмжийг сайжруулах үндэсний хөтөлбөр”-ийн төслийн тухай тус тус хэлэлцэв.

СТБЗ-ийн ээлжит хуралдааныг Санхүүгийн зохицуулах хорооны дарга Д.Баярсайхан даргалж,  Сангийн сайд Ч.Хүрэлбаатар, Монголбанкны Ерөнхийлөгч Б.Лхагвасүрэн, Хадгаламжийн даатгалын корпорацийн гүйцэтгэх захирал Х.Бум-эрдэнэ болон бусад холбогдох албан тушаалтнууд оролцлоо.