4 сарын 9, Пүрэв
ДЭЛХИЙН МЭДЭЭ

Хятад улс ба газрын тосны ханшийн уналт

ОПЕК буюу Газрын тос экспортлогч орнуудын байгууллага  жил бүр газрын тосны эрэлтийн төлвийг урьдчилан тооцоолж  гаргадаг. Тэгвэл “COVID 19” вирусийн тархалтын олон улсын эдийн засагт үзүүлж буй нөлөөллөөс үүдэн энэ жил олон улсын хэмжээнд худалдаалагдах газрын тосны эрэлтийн төлвийг 230 мянган торхоор бууруулж, нэг өдрийн 990 мянган баррель болгоод байна. Саудын Арабын тэргүүлдэг ОПЕК-ын орнууд болон энэ байгууллагын гишүүн бус газрын тос экспортлогч орнуудын уулзалт саяхан болсон билээ. Коронавирусийн дэгдэлтээс үүдэн Хятад төдийгүй дэлхийн олон оронд хөл хорио тогтоож, автомашин болон агаарын тээврийн хөдөлгөөн эрс багассан. Тухайлбал, “United Airlines”, “American Airlines”, “Lufthansa”, “British Airways”, “Cathay Pacific” зэрэг агаарын тээврийн компани Хятад руу хийж буй алсын нислэгүүдээ эрс цөөлж, заримыг нь бүрмөсөн зогсоосон. Түүнээс гадна, Цагаан сарын үеэр долоо хоногийн дотор 70-80 мянган нислэг үйлдэж, 8-9 сая зорчигч тээвэрлэдэг Хятадын авиакомпаниудын түлшний хэрэглээ хөл хорионоос шалтгаалан огцом багасчээ. Том оврын нисэх онгоц Лос-Анжелес-Токиогийн чиглэлд нисэхдээ нэг талдаа 226 баррель буюу 36 тонн орчим түлш зарцуулдаг бөгөөд үүнээс  харахад д  түлшний хэрэглээ хэр зэрэг буурсан нь тодорхой болж байгаа юм. Халдварын цар хүрээ цаашдаа хэрхэн тэлэх вэ гэдгээс нефтийн зах зээлийн төлөв байдал хамаарахаар байна. Зарим шинжээчийн үзэж байгаагаар халдварын оргил үе дөрөвдүгээр сарын сүүлчээр тохиох аваас тухайн үед Хятадын болон дэлхийн зах зээлд бий болох нефтийн илүүдэл нөөц олон зуун сая тоннд хүрч магадгүй. Энэ тохиолдолд нефтийн үнэ огцом унаж, экспортлогч орнууд ашиг олж чадахааргүй нөхцөл байдал үүсч мэдэх гэнэ. Тухайлбал, Брент маркийн түүхий газрын тосны ханш 47 ам.доллар болж буурч магадгүй гэдгийг “Citigroup”-ийн шинжээчид  анхаарууллаа. Одогоор  Брент маркийн түүхий нефть нэг торх нь 52 ам.долларын ханштай  байгаа бол Техас түүхий нефть 51.06 ам.доллар байна.

Хариулах


ШИНЭ МЭДЭЭ

Дээш