3 сарын 4, Пүрэв
ОРОН НУТАГ

Баянхонгор аймгийн онцгой комисс хотод гацсан иргэдээ тусгай автобусаар татаж авна

Гэрэл зургийг MPA

Баянхонгор аймгийн Онцгой комиссоос Улаанбаатар хотод гацсан иргэдээ татан авах тухай албан хүсэлтийг Нийслэлийн Онцгой комисст  хүргүүлжээ.

Тус хүсэлтийн хариуг өнөөдөр Нийслэлийн Онцгой комиссоос өгч Баянхонгор аймаг 2021 оны нэгдүгээр сарын 20-ны өглөөний 08:00 цагт /Лхагва/ тусгай үүргийн автобусыг аймгийн Авто тээврийн төвөөс Улаанбаатар хот руу илгээж улмаар нэгдүгээр сарын 21-ний өглөөний 08:00 цагт /Пүрэв/ авто тээврийн Драган төвөөс Баянхонгор аймаг руу хөдлөхөөр шийдвэрлэснээ мэдээллээ.

Тус тусгай үүргийн автобусаар зорчих иргэдийн анхаарах зүйлс:

  1. Аймгийн Онцгой комиссын Шуурхай штабд өргөдөл хүсэлтээ гаргахдаа холбогдох утас, цахим үнэмлэхийн /Баянхонгор аймгийн регистр, хаягтай, одоо амьдарч буй хаяг нь Баянхонгор аймагт байх/ хуулбар, холбогдох материалыг хавсаргаж bhrshtab@gmail.com хаягаар илгээх.
  2. Аймгийн Онцгой комиссын Шуурхай штабаас бүртгүүлсэн иргэдийн өргөдөл мэдээллийг сайтар нягталж шалгасны үндсэн дээр утсаар эргэн мэдэгдсэнээр 40 иргэний билет бичүүлэх эрх үүснэ.
  3. PCR шинжилгээний хариу сөрөг хариутай, хугацаа нь хүчинтэй байх 40 иргэнийг автобусанд суулгана.
  4. Тус тусгай үүргийн автобус 7 хоног тутамд нэг явах бөгөөд автобусанд суусан иргэд халдвар хамгааллын дэглэм сахин, замд идэх хоол хүнсээ өөрсдөө бэлтгэж авч явна.
  5. Ирсэн иргэд халдвар хамгааллын дэглэмийг хатуу баримтлан гэрийн тусгаарлалтад 7 хоног байна.

Баянхонгор аймгийн Шуурхай штабтай холбогдох утас 9219-3300

1 сэтгэгдэл

  1. Avatar

    Aminerdene

    2021-01-17

    HOTOOS AIMAG

Хариулах


1

ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet