10 сарын 24, Бямба
COVID-19

Коронавирусээр нас барсан хүний олонх нь агаарын бохирдол ихтэй бүс нутагт амьдарч байжээ

АНУ-ын судлаачид вирусийн халдвараар нас барж буй хүний тоо хурдацтайгаар өсөж буйг агаарын бохирдолтой холбон тайлбарлажээ. Учир нь, тус улсад агаарын бохирдлын түвшин өчүүхэн багаар өсөхөд вирусийн халдвар авсан хүний нас баралт 15 орчим хувиар нэмэгдэж байгаа аж. Италид ч гэсэн энэ байдал ажиглагдсан байна.

Тухайлбал, вирусийн халдвараар нас барсан хүний олонх нь тус улсын агаарын хамгийн бохирдол ихтэй бүс нутагт эмчлүүлж байжээ. Тиймээс судлаачид агаар цэвэр байх тусмаа вирусийн тархалт удааширч, нас баралтын тоо буурах боломжтой гэж үзэж байна. Харвардын Нийгмийн эрүүл мэндийн сургуулийн судлаачид “Агаарын бохирдол олон төрлийн өвчний эх үүсвэр болж, зарим өвчнийг хүндрүүлдэг нь хэдийн батлагдсан. Гэхдээ коронавирусээр халдварласан хүн агаарын бохирдол өндөртэй бүс нутагт байснаар вирусээр үүсгэгдсэн өвчин 15-20 дахин хурдацтайгаар хүндэрч байна” хэмээжээ.

Түүнчлэн АНУ-ын Өвчний хяналт,урьдчилан сэргийлэх төвөөс тамхи татдаг хүмүүс вирусээр халдварласан тохиолдолд амь насаа алдах өндөр эрсдэлтэй байгааг анхааруулж байсан билээ.

Эх сурвалж: Guardian

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш