newswire

Хар тамхи худалдаалж, мөрийтэй тоглож болзошгүй сэжигтэй газруудыг шалгаж эхэллээ

Цагдаагийн ерөнхий газрын Хар тамхитай тэмцэх газар нь мансууруулах эм, сэтгэцэд нөлөөт бодисын хууль бус эргэлттэй холбоотой сэжигтэй этгээдүүдийн бүлэг бөөгнөрөл үүсгүүлэхгүй байх зорилгоор сэжигтэй объект, байр байгууламжид тогтмол хяналт тавьж, илрүүлэх, таслан зогсоох ажиллагааг явуулж байна.

Тус газраас өнгөрсөн хоёрдугаар сард зохион явуулсан тусгай ажиллагааны үеэр мансууруулах бодисын хууль бус хэрэглээтэй холбоотой бүлэг бөөгнөрөл үүсгэсэн, мөрийтэй тоглоомын газар, зочид буудал, орон байр зэрэг гурван газрыг илрүүлж, гэмт үйлдлийг таслан зогсоон шалгаж байна. Иймд иргэн, аж ахуй нэгж, байгууллагууд өөрийн эзэмшлийн болон түрээсийн байр, байгууламжид явагдаж байгаа үйл ажиллагаа, үйлчилгээнд тавих хяналтаа сайжруулж, хууль, тогтоомжоор хориглосон үйлдэл гарахаас урьдчилан сэргийлж ажиллахыг тус газраас зөвлөж байна. Зөрчил гаргасан газарт хатуу арга хэмжээ авна.

Монгол Улсын Эрүүгийн хуулийн 20.8 дугаар зүйлд зааснаар мансууруулах эм, сэтгэцэд нөлөөт бодисыг хэрэглэх орон байраар хангасан бол таван жил хүртэл хугацаагаар харин энэ гэмт хэргийг зохион байгуулалттай гэмт бүлэг үйлдсэн бол таван жилээс арван хоёр жил хүртэл хугацаагаар хорих ял шийтгэнэ гэж заасан байдаг билээ.

Falsified Medications Are A Huge Global Problem

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet