Морин хуурын чуулгын "Монгол Уран Бүтээл" тоглолт болно

Гэрэл зургийг MPA.mn

Монгол улсын төрийн тэргүүн зэргийн “Чингис хаан” одонт, Монгол улсын соёлын элч Морин хуурын чуулгын “Монгол уран бүтээл” тоглолт 2024 оны тавдугаар сарын 10-нд Монгол улсын Филармонийн тайзнаа тоглох гэж байна. Тоглолтод Соёл урлагийн их сургуулийн хөгжмийн онолын тэнхимийн багш, хөгжмийн зохиолч Цэндээгийн Эрдэнэбатын (Цэн) зохиолууд эгшиглэх болно. 
Цэн.Эрдэнэбат нь “Морин хуур наадам”-ын 2 удаагийн Гран-при, “Алтан намар” хөгжмийн наадмын 8 удаагийн шагналт хөгжмийн зохиолч юм.

Тэрээр сонат, аяз, уран сэтгэмж, элеги болон 70 орчим дан хөгжмийн бүтээлүүдээс гадна, 300 гаруй дуу, дуулаачийн 5 романс, дан найрал дуунд зориулсан гэх мэт олон арван бүтээлүүд туурвисан юм.